فرخ حبیب تے فواد چوہدری دی جہانگیر ترین نال ملاقات، پارٹی اُتے گل بات

لہور( پنجابی میڈیا گروپ)پاکستان تحریک انصاف نوں خیرباد کہہ کے استحکام پاکستان پارٹی وچ شامل ہون والے فرخ حبیب نے پارٹی دے سربراہ جہانگیر ترین نال ملاقات کیتی اے۔ذرائع مطابق ملاقات وچ عون چوہدری وی موجود سن، جہانگیر ترین نے فرخ حبیب نوں پارٹی وچ شامل ہون اُتے خوش آمدید آکھیا۔ذرائع دا کہنا اے کہ فرخ حبیب نوں استحکام پاکستان پارٹی وچ اہم عہدہ دتے جان دا امکان اے۔ایس دے علاوہ فواد چوہدری نے وی استحکام پاکستان پارٹی دے سربراہ جہانگیر ترین نال ملاقات کیتی۔ملاقات وچ آئندہ دے سیاسی لائحہ عمل تے پارٹی امور اُتے گل بات کیتی گئی۔