دعا اے کہ عام آدمی خوشحال ہوئے ،نوازشریف

لہور(پنجابی میڈیا گروپ)پاکستان مسلم لیگ ن دے قائد و سابق وزیراعظم نوازشریف نال پارٹی رہنماواں دی ملاقات دی اندرونی کہانی سامنے آگئی۔تفصیل دے مطابق قائد مسلم لیگ ن نوازشریف توں وطن واپسی بعد پہلے دن سابق وزیراعظم شہبازشریف تے حمزہ شہباز نے ملاقات کیتی، ملاقات وچ چیف آرگنائزر مریم نواز تے سابق وزیرخزانہ اسحاق ڈار وی موجود سن ، ملاقات وچ ملکی معاشی و سیاسی صورتحال تے مینار پاکستان جلسے بارے تبادلہ خیال کیتا گیا۔ملاقات وچ سابق وفاقی وزیر قنون اعظم نذیر تارڑ وی رلتی ہوئے، ملاقات وچ نوازشریف دے کیس سنے عدالتی امور تے24تریخ نوں عدالتی کارروائی بارے گل بات ہوئی، اعظم نذیر تارڑ نے عدالتی کارروائی بارے پارٹی قائد تے رہنماواں نوں بریفنگ دتی۔ایس موقع اتے سابق وزیراعظم نواز شریف دا کہنا سی کہ اسیں وکلا تحریک چلائی، ہمیشہ قنون دا احترام کیتا، میریسنے مریم نواز، شہبازشریف تے حمزہ شہباز نے بے بنیاد کیساں دا سامنا کیتا، پارٹی دے سارے لوگ جھوٹے مقدمیاں وچ سرخرو ہوئے، میں عوام لئی آیا ہاں، دعا اے کہ عام آدمی خوشحال ہوئے ۔قائد مسلم لیگ ن نوازشریف نے مینار پاکستان جلسے اتے اطمینان دا اظہارکیتا تے پارٹی ترانے اتے شاباش دتی۔