العزیزیہ ریفرنس؛ پنجاب حکومت نے نواز شریف دی سزا معطل کردتی

لہور( پنجابی میڈیا گروپ) پنجاب حکومت نے سابق وزیراعظم میاں محمد نواز شریف دی العزیزیہ ریفرنس وچ سزا معطل کر دتی۔نواز شریف دی العزیزیہ ریفرنس وچ سزا معطلی دی تفصیل سامنے آگئی۔ نواز شریف ولوں العزیزیہ ریفرنس وچ سزا معطلی دی درخواست پنجاب حکومت نوں دتی گئی، ویڈیو لنک اُتے نواز شریف دے وکیل اعظم نذیر تارڑ تے امجد پرویز نے سزا معطلی اُتے بھرپور دلائل دتے۔ دوران سماعت نگراں پنجاب کابینہ دے ہمراہ چیف سیکریٹری پنجاب وی موجود سن۔ نگراں پنجاب حکومت نے سابق نواز شریف دے وکیلاں دی سزا معطلی لئی درخواست متفقہ طور اُتے منظور کیتی۔واضح رہے کہ کریمنل پروسیجرل کوڈ سیکشن 401 تحت حکومت مجرم دی سزا معطل کرن دا اختیار رکھدی اے۔احتساب عدالت نے 6جولائی 2018 نوں ایون فیلڈ ریفرنس وچ10ورھے قید دی سزا سنائی سی جدکہ اسلام آباد ہاییکورٹ نے 19ستمبر 2018 نوں میرٹ اُتے سزاواں معطل کرکے مریم نواز تے کیپٹن صفدر نوں رہا کر دتا سی ۔ نواز شریف نوں 24دسمبر 2018 نوں العزیزیہ ریفرنس وچ 10ورھے قید دی سزا سنائی گئی سی۔ لہور ہائیکورٹ دے 2 رکنی بینچ نے 31اکتوبر 2019 نوں میڈیکل گروانڈ اُتے نواز شریف دی ضمانت دتی سی۔