ایہ جیہڑا نیلسن منڈیلا آیا اے اونہاں نوں الیکشن لگ پتہ جائے گا، پرویزالہی

اسلام آباد( پنجابی میڈیا گروپ) سابق وزیراعلی پنجاب چوہدری پرویز الہی نے آکھیا اے کہ ایہ جیہڑا نیلسن منڈیلا آیا اے اونہاں نوں الیکشن وچ لگ پتہ جائے گا، سب دیاں اُمیداں عدلیہ اُتے نیں۔عدالت پیشی اُتے پرویز الہی نے غیر رسمی گل بات کردیاں ہویاں آکھیا کہ عام الیکشن کرانے ہی پین گے، نوازشریف 2نمبر نیلسن منڈیلا بنن دی کوشش کر رہے نیں۔صحافی نے سوال کیتا کہ چیئرمین پی ٹی آئی دا ساتھ کَدوں تک دیون گے، جس اُتے پرویز الہی نے آکھیا کہ جیہڑی کمی اے، پنج مہینیاں توں وَدھ ہوگئے نیں تے آئندہ سی، تُسی ویکھو گے جَد الیکشن ہوئے تے پتا چلے گا اونہاں دے نال کیہ ہویا۔اونہاں نے آکھیاکہ الیکشن وچ ساریاں لئی اک جہے موقع دینے چاہیدے نیں، اگر یکساں مواقع فراہم نہ کیتے تے خدشے پیدا ہون گے،فیر عدالتاں نیں جیتھے انصاف لئی آن گے۔