حکومت دا عمران خان نوں الیکشن کمیشن وچ پیش کرن توں انکار

اسلام آباد( پنجابی میڈیا گروپ)نگراں حکومت نے چیئرمین پی ٹی آئی نوں الیکشن کمیشن وچ پیش کرن توں معذرت کر لئی۔پنجاب پلس نے سیکیورٹی رسک قرار دتا تے الیکشن کمیشن نے ریمارکس د تے کہ وزارت داخلہ اگر اک شخص نوںسیکیورٹی نہیں دے سکدی تے الیکشن کسطرح کرائے گی ، کمیشن نے وفاقی سیکریٹری داخلہ نوں سدھ لیا۔الیکشن کمیشن وچ پی ٹی آئی چیئرمین، اسد عمر تے فواد چوہدری خلاف توہین الیکشن کمیشن کیس دی سماعت ہوئی۔پی ٹی آئی چیئرمین دے وکیل شعیب شاہین، فواد چوہدری، اسد عمر پیش ہوئے۔ حکومت نے عمران خان نوں الیکشن کمیشن سامنے پیش کرن توں انکار کردتا۔ ایس اُتے وکیل پی ٹی آئی نے آکھیا کہ اج الیکشن کمیشن دی اصل توہین ہوئی اے۔وزارت داخلہ ولوں اے آئی جی آپریشنز پنجاب پلس نے پی ٹی آئی چیئرمین بارے رپورٹ الیکشن کمیشن وچ جمع کراندیاں ہویاں آکھیا کہ پی ٹی آئی چیئرمین دی زندگی نوں خطرہ اے، اوہ خود وی ایس دا اظہار کر چکے نیں۔واضح رہے کہ الیکشن کمیشن نے چیئرمین پی ٹی آئی دے اج لئی پروڈکشن آرڈر جاری کیتے سن۔