نیب سکھر نے 1.3 ارب روپے دی 11 سو ایکڑ جنگل دی اراضی واگزار کرالئی

سکھر( پنجابی میڈیا گروپ)قومی احتساب بیورو سکھر نے کارروائی کردیاں ہویاں ضلع سکھر دے تعلقہ نارا وچ 1,312.80 ملین روپے مالیت دی 1094 ایکڑ جنگلات دی اراضی 57 بااثر افراد توں واگزار کرا لئی۔سندھ ہائیکورٹ سکھر بنچ دی سی پی نمبر 1115/2009 وچ چیئرمین نیب تے ڈی جی نیب سکھر نوںجاری ہدایت مطابق نیب سکھر نے جنگلاتی زمین اُتے تجاوزات، غیر قنونی الاٹمنٹ تے ریکارڈ وچ غیر قنونی تبدیلیاں دے معاملات دی چھان بین کیتی ۔ ایس ضمن وچ محکمہ جنگلات سکھر دے افسراں،اہلکاراں تے ہوراں خلاف انکوائری دی منظوری دتی گئی۔تفصیلی انکوائری دے دوران محکمہ ریونیو تے محکمہ جنگلات توں بااثر افراد دے حق وچ جنگلات دی زمین غیر قانونی الاٹمنٹ دے حوالے متعلقہ ریکارڈ حاصل کیتا گیا۔نیب سکھر نے سارے متعلقہ وفاقی تے حکومت سندھ دے محکمیاں نوں جنگلات دی اراضی واگزار کران لئی اقدام کیتے۔نیب سکھر دی اَنتھک کوششاں دے نتیجے وچ ضلع سکھر دے تعلقہ نارا وچ1,312.80 ملین روپے مالیت دی1094 ایکڑ جنگلات دی اراضی 57 بااثر افراد توں واگزار کرا لی گئی۔ریونیو حکام نے الاٹمنٹ اندراجات نوں منسوخ کر دتا اے جیہڑے پہلے پرائیویٹ افراد دے حق وچ الاٹ کیتی گئی سی تے مذکورہ جنگلات دی اراضی ہُن محکمہ جنگلات، حکومت سندھ دے نام حقوق دے ریکارڈ وچ درج کر دتی گئی اے۔