زمینی تنازع دا کیس: پاکستان بار تے پنجاب بارنوں نوٹس

اسلام آباد(پنجابی میڈیا گروپ)سپریم کورٹ نے پنجاب وچ زمین دی وَنڈ دے تنازع اُتے کیس وچ درخواست غیر واضح ہون اُتے وکیل درخواست گزار دی سرزنش کر دتی تے درخواستاں دی ڈرافٹنگ ٹھیک نہ ہون اُتے پاکستان بار تے پنجاب بارنوں نوٹس جاری کر دتے۔چیف جسٹس پاکستان قاضی فائز عیسی دی سربراہی وچ3 رکنی بنچ نے کیس دی سماعت کیتی۔سپریم کورٹ نے سوال کیتا کہ بار کونسل دَدے کہ پنجاب دے لا کالجاں وچ ڈرافٹنگ سکھائی جاندی اے یا نہیں؟ بار کونسل اپنے جواب تحریری طور اُتے جمع کرائے تاکہ عدالت فیصلہ دے سکے، موجودہ کیس دے میرٹس نال بار کونسل دا کوئی تعلق نہیں۔چیف جسٹس پاکستان نے آکھیا کہ درخواست وچ استدعا ہی درج نہیں اے، پنجاب دے وکیل دعوی لکھنا کَدوں سیکھن گے؟ کیا پنجاب دے سارے لا کالج بند کر دیئے؟عرضی نویس توں دعوی مرتب کروایا جاندا اے، دسو کیہڑا قنون عرضی نویس توں دعوی مرتب کرن دی اجازت دیندا اے، قنون وچ کیتھے لکھیا اے کہ وکیل صرف عدالت وچ کھڑے ہو کے دلائل دیوے گا؟ جس اُتے چیف جسٹس آف پاکستان نے آکھیا کہ تہاڈے توسط نال ساریاںوکیلاں نوں پیغام دے رہے ہاں کیس دی تیاری کیتا کرن۔سپریم کورٹ نے آکھیا کہ کیس نوں دوبارہ سماعت لئی6ہفتیاں بعد مقررکیتاجائے۔