پلس افسراں خلاف توہین عدالت کیس، سی سی پی او لہوردا جواب غیر تسلی بخش قرار

لہور(پنجابی میڈیا گروپ)لہور ہائیکورٹ نے پلس افسراں خلاف توہین عدالت کیس وچ سی سی پی او لہوردا عدالت وچ جمع کروایا جواب غیر تسلی بخش قرار دے دتا۔لہور ہائیکورٹ وچ خدیجہ شاہ دی پلس افسراں خلاف توہین عدالت دی درخواست اُتے سماعت ہوئی، جسٹس علی باقر نجفی نے خدیجہ شاہ دی درخواست اُتے سماعت کیتی۔دوران سماعت سرکاری وکیل نے دلائل وچ آکھیا کہ خدیجہ شاہ نوں اونہاں دے گرفتار ملازم دے بیان دی روشنی وچ نویں مقدمے اندر گرفتار کیتا، ایس اُتے فاضل جج نے آکھیا کہ عدالت نوں سب نظر آ رہیا اے، کیہ کجھ ہو رہیا اے، اگر ایس طرح ہی چلدا رہیا تے قنون اپنا رستہ لئے گا۔عدالت نے سی سی پی او لہوردا عدالت وچ جمع کروایا جواب غیر تسلی بخش قرار دیندیاں ہویاں تفصیلی جواب دوبارہ جمع کروان دی ہدایت کر دتی۔بعد وچ عدالت نے کیس دی ہور سماعت 27 اکتوبر تک ملتوی کر دتی۔