الیکشن کمیشن نے ووٹ دے اندراج، کوائف دی درستگی لئی تریخ وچ توسیع کر دتی

اسلام آباد( پنجابی میڈیا گروپ)الیکشن کمیشن آف پاکستان نے ووٹ دے اندراج تے کوائف دی درستگی لئی تریخ وچ28 اکتوبر تک توسیع کردتی۔چیف الیکشن کمشنر سکندر سلطان راجہ دی سرابرہی وچ الیکشن کمیشن دا اہم اجلاس ہویا، الیکشن کمیشن نے ووٹ دے اندراج تے کوائف دی درستگی لئی تریخ وچ توسیع کردیاں ہویاں آکھیا کہ عوام الناس توں درخواست اے کہ اوہ اوس توں فائدہ چکے۔الیکشن کمیشن نے آکھیاکہ عوام الناس 28 اکتوبر تک اپنے ووٹ دے اندراج، ٹرانسفر، اخراج تے درستگی نوں یقینی بنان ،ایس توں پہلاں الیکشن کمیشن نے آخری تریخ 25 اکتوبر دتی سی۔