غیر قنونی غیر ملکیاں دی واپسی دا معاملہ، افغانی فنکار پشور ہائیکورٹرٹ دائر کر دتی

پشور(پنجابی میڈیا گروپ)غیر قنونی غیر ملکیاں دی واپسی اُتے افغانی فنکاراں نے واپس نہ گھلن لئی پشور ہائیکورٹ وچ رٹ دائر کر دتی۔درخواست وچ موقف اپنایا گیا اے کہ اسیں یو این ایچ سی آر دے نال ٹوکن ذریعے رجسٹرڈ ہاں، افغان طالبان ولوں موسیقی اُتے پابندی اے، افغانستان وچ فن نوں جاری نہیں رکھ سکدے۔درخواست وچ آکھیا گیا اے کہ یو این ٹریٹی مطابق مہاجرین نوں زبردستی نہیں کَڈیا جا سکدا، رضاکارانہ طور اُتے مہاجرین واپس جاسکدے نیں، یو این ٹریٹی دے باوجود افغان مہاجرین نوں ہراساں کیتا جا رہیا اے۔فنکاراں نے عدالت توں استدعا کیتی اے کہ افغان مہاجرین دی زبردستی واپسی نوں روکیا جائے، کیس وچ وفاقی حکومت، وزارت داخلہ، نادرا، ڈی جی امیگریشن تے ایف آئی اے نوں فریق بنایا گیا اے۔