امجد صابری دے قتل دا مرکزی ملزم 7ورھیاں گرفتار

کراچی(پنجابی میڈیا گروپ) پٹیل پاڑہ توں سی ٹی ڈی نے کالعدم تنظیم دے اَت گرد نوں گرفتار کر لئیا۔سی ٹی ڈی دے مطابق اَت گرد قاسم رشید نوں خفیہ اطلاع اُتے گرفتار کیتا گیا اے جس نے عاصم تے اسحاق نامی لوکاںذریعے امجد صابری داقتل کروایا۔حکام مطابق گرفتار اَت گرد نے 4 رینجر اہلکاراںدے قتل دا وی اعتراف کیتا اے، ملزم نے صدر پارکنگ پلازہ دے نیڑے2 آرمی اہلکاراں دے قتل دااعتراف وی کیتا اے۔حکام دا کہنا اے کہ ملزم نے تفتیش وچ مختلف وارداتاں وچ ملوث ہون داوی اعتراف کیتا اے۔سی ٹی ڈی مطابق گرفتارات گرد توں دستی بم، پستول تے بارودی مواد برآمد کیتا گیا اے تے ایہ ملزم پہلاں وی گرفتار ہو کے جیل جا چکیا اے۔حکام مطابق گرفتار اَت گرد نے جیل توں نیٹ ورک چلان دا انکشاف کیتا اے۔یاد رہے کہ 16 رمضان 22 جون 2016 نوں تقریبا 4 وجے دے نیڑے قوال امجد صابری اُتے نامعلوم افراد نے فائرنگ کیتی سی تے سراُتے گولیاں لگن نال اونہاں دی موت واقع ہو گئی سی۔