پی ٹی آئی دی اداریاں خلاف پروپیگنڈا مہم بے نقاب

اسلام آباد(پنجابی میڈیا گروپ)پاکستان تحریک انصاف اپنی ہی ریاست مخالف پروپیگنڈے وچ ملوث نکلی، سرکاری وسائل دے بل اُتے پی ٹی آئی قیادت دا جعلی امیج گھڑن تے ریاستی اداریاں خلاف جھوٹا پروپیگنڈا بے نقاب ہوگیا ۔پنجابی میڈیا دے مطابق سرکاری وسائل اُتے پی ٹی آئی قیادت دی جعلی تشہیر تے اداریاںخلاف پروپیگنڈا سامنے آگیا ، مخالفین دی کردار کشی تے ہرزہ سرائی لئی سوشل میڈیا ٹیماں دا بے دریغ استعمال کیتا گیا جدکہ سرکاری پیسیاں نال ریاست مخالف بیانیہ پھیلان دی مکروہ حرکت کیتی گئی ۔دستاویزات دے مطابق سالانہ ترقیاتی پروگرام دی آڑ وچ سوشل میڈیا ٹیماں نوں پی ٹی آئی دے مذموم بیانیے نوں پھیلان دا ٹاسک دتا گیا، جعلی سوشل میڈیا ٹیماں نوں شخصیت پرستی تے جھوٹ دے پرچارلئی استعمال کرن دا انکشاف ہویا اے ۔سوشل میڈیا اکانٹس نوںپی ٹی آئی دے سیاسی مقصد نوں اگے ودھان تے غلط معلومات لئی استعمال کیتا گیا۔پی ٹی آئی دور وچ معاشرے اندر نفرت انگیز بیانیے نال عدم استحکام نوں فروغ دتا گیا، پروپیگنڈا اکانٹس دے فالور سرکاری وسائل نال ودھائے گئے جدکہ مجموعی طوراُتے ایس پراجیکٹ دی لاگت 870 ملین روپے رکھی گئی سی۔اینہاں اکانٹاں نے 9 مئی واقعات وچ پی ٹی آئی دے کارکناں تے عوام نوں اشتعال دلان، تشدد اُتے بھڑکان تے ممکنہ طوراُتے فوجی تنصیبات اُتے حملہ کرن لئی اُکسایا، عوام تے اداریاں وچ نفرت پھیلا کے دراڑاں پان دی کوشش کیتی۔جعلی سوشل میڈیا ٹیماں دی بھرتی دا عمل غیر قنونی تے فراڈ اُتے مبنی سی۔