عمران خان نوں سلوپوائزن نہیں دتا جارہیا، ڈاکٹر فیصل سلطان

اڈیالہ(پنجابی میڈیا گروپ)راولپنڈی پلس نے9مئی دے کیس وچ چیئرمین پی ٹی آئی عمران خان دا بیان ریکارڈ کرلیا جیہڑا کہ اڈیالہ جیل وچ ریکارڈ کیتا گیا۔میڈیا دے مطابق اڈیالہ جیل وچ بیان ریکارڈ کرن ویلے عمران خان دے وکیل وی موجود سن۔ بیان ریکارڈ کرن دے نال ہی عمران خان دے ذاتی معالج ڈاکٹر فیصل سلطان نوں ملاقات دی اجازت مل گئی جیتھے اونہاں نے عمران خان دا طبی معائنہ کیتا۔ملاقات بعد صحافیاں نال گل بات وچ ڈاکٹر سلطان نے آکھیا کہ بظاہر عمران خان نوں سلوپائزنگ دین دی کوئی علامت نہیں، چیئرمین پی ٹی آئی نے دسیا اوہ مکمل تندرست نیں، اونہاں نے کسی قسم دی کوئی شکایت نہیں کیتی اوہ گھٹ خوراک روٹین وچ کھاندے نیں، اونہاں دا مزاج بالکل ٹھیک اے تے اوہ اپنی خوراک توں وی مطمئن نیں۔اونہاں نے آکھیا کہ طبی معائنے وچ ایسی کوئی گل محسوس نہیں ہوئی کہ جس توں اندازہ ہوئے کہ اونہاں نوں سلو پوائزن دتا گیا، شاید کسی موقع اتے اونہاں نے کسی خدشے دا اظہار کیتا ہوئے تے شاید ایس نوں غلط بیان کر دتا گیا ہوئے ، ظاہری ملاحظہ وچ اونہاں دی صحت درست سی تے سلو پوائزن دے حوالے نال کوئی ایسی علامت موجود نہیں سی۔