حافظ طاہر محمود اشرفی دا کل ملک بھر وچ یوم شہدائے فلسطین منان دا اعلان

لہور(پنجابی میڈیا گروپ)وزیراعظم دے نمائندہ خصوصی حافظ طاہر محمود اشرفی نے کل ملک بھر وچ یوم شہدائے فلسطین منان دا اعلان کر دتا۔وزیراعظم دے نمائندہ خصوصی حافظ طاہر محمود اشرفی نے میڈیا نال گل کردیاں ہویاں آکھیا کہ جمعہ نوں ملک بھر وچ یوم شہدائے فلسطین منایا جائے گا، آزاد تے خود مختار فلسطینی ریاست ہی مسئلے دا واحد حل اے۔حافظ طاہر محمود اشرفی نے آکھیا کہ بے گناہ فلسطینیاں اتے حملے رکوانا ویلے دی لوڑ اے، مسئلہ فلسطین اتے پاکستان دا موقف بالکل واضح اے، مسئلہ فلسطین اتے پوری امت دی وحدت دی لوڑ اے۔وزیراعظم دے نمائندہ خصوصی نے ہور آکھیا کہ جنگ بندی دے معاملے اتے اقوام عالم نوںاپنا کردار ادا کرنا ہوئے گا۔