انشاءا للہ اگلی واری ساڈھی ہوئے گی، بلاول بھٹو

کراچی(پنجابی میڈیا گروپ)سابق وزیر خارجہ و چیئرمین پاکستان پیپلز پارٹی بلاول بھٹو زرداری نے آکھیا اے کہ ساریاں نوں الیکشن دا چن مبارک ہوئے ، اگلی واری پیپلز پارٹی دی ہوئے گی، بہتر ہنداکہ الیکشن کمیشن خود ہی اعلان کر دیندا، عدالت نوں مداخلت نہ کرنا پیندی۔میڈیا نال گل بات کردیاں ہویاں بلاول بھٹو زرداری نے آکھیا کہ ہن8فروری نوں الیکشن ہونے چاہیدے نیں، کسی اک الیکشن وچ وی پیپلز پارٹی نوں لیول پلیئنگ فیلڈ نہیں ملی، امید اے کہ ایس دفعہ ساہنوں لیول پلیئنگ فیلڈ ملے گی۔مولانا فضل الرحمان بارے سوال دے جواب وچ اونہاں نے آکھیا کہ تریخ وی آچکی اے تے موسم وی ٹھیک اے، پیپلز پارٹی دی انتخابی تے عوامی رابطہ مہم جاری رہے گی، میں الیکشن کمیشن نوں الیکشن دی تریخ دین دی تجویز دتی سی، میثاق جمہوریت اتے سب جماعتاں نوں آنا چاہیدا اے۔بلاول بھٹو نے آکھیا کہ اصولی طور اتے ہر سیاسی جماعت نوں لیول پلیئنگ فیلڈ ملنی چا ہیدی اے، پی ٹی آئی نال اتحاد بارے پیپلزپارٹی نے کوئی فیصلہ نہیں کیتا، کسی وی غیرقنونی کم دے نال کوئی جماعت نہیں دے سکدی، ہیومن رائٹس اتے پیپلز پارٹی دا سخت موقف اے۔