اسرائیل خلاف جنگ جہاد اے، سربراہ حزب اللہ

بیروت(پنجابی میڈیا گروپ)لبنانی تنظیم حزب اللہ دے سربراہ حسن نصراللہ نے آکھیا کہ ساڈھی طاقت اسلحہ نہیں ایمان اے، اسرائیل خلاف جنگ جہاد اے۔تقریب نال خطاب کردیاں ہویاں حسن نصر اللہ نے آکھیا کہ فلسطینی شہیداں دے اہل خانہ نوں رتبہ شہادت حاصل کرن اتے مبارکباد تے تعزیت پیش کردے ہاں، شہیداں دا رتبہ منفرد ہندا اے۔اونہاں نے آکھیا کہ مسلمان شہادت دے رتبے نوں چنگا سمجھدے نیں، ساڈھی طاقت اسلحہ نہیں ایمان اے،اسرائیل خلاف جنگ جہاد اے، دنیا نے اسرائیلی مظالم اتے مجرمانہ طوراتے اکھاں بند کر لئیاں نیں۔حسن نصراللہ دا ہور کہنا سی کہ طوفان اقصی دی جنگ وسیع تر ہو کے مختلف محاذاں تے میداناں تک پہنچ گئی اے، فلسطینی ماواں، بہناں دی آوازاتے ہر قربانی لئی تیار ہاں۔