سائفر کیس:چیئرمین پی ٹی آئی نے سپریم کورٹ وچ درخواست ضمانت دائرکردتی

اسلام آباد(پنجابی میڈیا گروپ)چیئرمین پاکستان تحریک انصاف نے سائفرکیس وچ سپریم کورٹ اندر درخواست ضمانت دائر کر دتی۔سابق وزیراعظم ولوں درخواست وچ مدعی مقدمہ نسیم کھوکھر تے وفاقی حکومت نوں فریق بنایا گیا اے۔چیئرمین پاکستان تحریک انصاف نے درخواست وچ موقف اپنایا اے کہ سائفر کیس سابق وزیر اعظم خلاف سیاسی مقدمیاں دی اک کڑی اے، ٹرائل کورٹ ایہ سمجھن وچ نکام رہی اے۔سابق وزیراعظم نے درخواست وچ ہور آکھیا اے کہ درخواست ضمانت آئین دے آرٹیکل185 تحت دائر کیتی گئی اے، ایس مقدمے وچ وزارت داخلہ دے ماتحت ایف آئی اے دی بدنیتی صاف ظاہر اے، سائفر تے فارن فنڈنگ مقدمے ایف آئی اے دی بدنیتی نوں صاف ظاہر کردے نیں۔چیئرمین پی ٹی آئی ولوں درخواست وچ سپریم کورٹ توں استدعا کیتی گئی اے کہ ملزم نوں مقدمے وچ ضمانت اتے رہا کیتا جائے۔