الیکشن بارے سپریم کورٹ دا فیصلہ خوش کی گل اے،جاوید لطیف

لہور(پنجابی میڈیا گروپ)رہنما پاکستان مسلم لیگ ن تے سابق وفاقی وزیر میاں جاوید لطیف نے آکھیا اے کہ الیکشن بارے سپریم کورٹ دا فیصلہ چنگی گل اے۔ماڈل ٹائون سیکرٹریٹ وچ پریس کانفرنس کردیاں ہویاں جاوید لطیف دا کہنا سی کہ اج آکھیا جارہیا اے کہ فیض آباد دھرنے دا ماسٹر مائنڈ کون اے، فیض آباد دھرنے دے ماسٹر مائنڈ دا10ورھیاں بعد پچھا جارہیا اے، چنگی گل اے کہ عدل جہے ادارے وچ تبدیلی آن نال کسی نے پچھیا تے سہی، کِدھرے اینج نہ ہوئے کہ فیض آباد دھرنے دے ماسٹر مائنڈ نوں کٹہرے وچ لیان لئی10ورھے ہور لنگ جان۔رہنما مسلم لیگ ن نے نام لِتیوں بغیر تحریک انصاف دی قیادت نوں تنقید دانشانہ بنا ندیاں ہویاں آکھیاکہ ارباں کھرباں روپے لوکاں دی ذہن سازی کرن اتے خرچ ہوئے، ساریاں چیزاں سامنے آن دے باوجود وی کسی تے ثبوت دی لوڑ اے؟ ساڈھے خلاف ذہن بنایا گیا کہ ایہ چور، ڈاکو تے لٹیرے نیں، حکومتی تے ریاستی وسائل نال تسی ذرائع ابلاغ استعمال کیتے