پی آئی اے دا آپریشن مکمل بحال نہ ہو سکیا،اج ہور14پروازاں منسوخ

کراچی(پنجابی میڈیا گروپ)قومی ایئر لائنز پی آئی اے داآپریشن مکمل طوراتے بحال نہ ہو سکیا۔پی آئی اے ذرائع مطابق اج وی ہور14پروازاں منسوخ ہویاں، جدکہ ایندھن بحران پاروں 19دناں وچ 788پروازاں منسوخ ہو چکیاں نیں۔کراچی توں سکھر پی کے536، پی کے 537 تے کراچی توں گوادر پی کے 503 تے پی کے 504 جدکہ کراچی توں دبئی پی کے 213 منسوخ ہویاں۔ایسی طرح مسقط توں کراچی پی کے 226، اسلام آباد توں سکھر پی کے 631 تے پی کے 632 جدکہ اسلام آباد توں کوئٹہ پی کے 325 تے پی کے 326 تے اسلام آباد توں دبئی پی کے 233 دیاں پروازاں اڑان نہ پھڑ سکیاں۔پی آئی اے ذرائع مطابق فیصل آباد توں دبئی 224، پشور توں مسقط 259 تے دبئی توں پشور 284 دیاں پروازاں وی روانہ نہ ہویاں۔