فواد چودھری اتے ایف آئی آر دا اج پتا چلیا،حلفا کہندی ہاں ایسا کجھ نہیں،حبہ فواد

اسلام آباد(پنجابی میڈیا گروپ)سابق وفاقی وزیر فواد چودھری دی گھر والی حبہ فواد نے آکھیا اے کہ اج پتا چلیا کہ فواد چودھری اتے کیا ایف آئی آر اے، حلفا کہندی ہاں کہ ایسا کجھ نہیں اے، اگر ایسا کجھ ہندا تے پی ڈی ایم ساہنوں کیوں چھڈ دی؟کچہری باہر میڈیا نال گل بات کردیاں ہویاں فواد چودھری دی گھر والی حبہ فواد نے آکھیا کہ اج فواد چودھری نوں عدالت وچ پیش کیتا گیا، ساہنوں دسیا ہی نہیں گیا کہ اونہاں نوںکس کیس وچ گرفتارکیا گیا۔حبہ فواد دا ہور کہنا سی کہ کل فردوس عاشق اعوان نے آکھیا سی کہ فواد چودھری داا رستہ ٹھیک نہیں اے، فردوس عاشق توں آکھیاں گی تسی دسو تہاڈا راستہ کیتھوں ٹھیک اے؟ہر پارٹی ول تہاڈاجھکا ہندا اے۔خیال رہے کہ تھانہ آبپارہ پلس ولوں پچھلے دناں گرفتار کیتے گئے سابق وفاقی وزیر فواد چودھری نوں اج ڈیوٹی مجسٹریٹ دی عدالت وچ پیش کیتا گیا جیتھے عدالت نے مجرمانہ دھمکی دے کیس وچ اونہاں نوں2 روزہ جسمانی ریمانڈ اتے پلس دے حوالے کر دتا۔