پاکستان دے تحفظ نوںیقینی بنان وچ نادرا دا اہم کردار

اسلام آباد(پنجابی میڈیا گروپ)پاکستان دے استحکام تے تحفظ نوں یقینی بنان وچ نیشنل ڈیٹا بیس اینڈ رجسٹریشن اتھارٹی (نادرا)دا کردار اہم اے۔رپورٹ دے مطابق پاکستان اک لمبے عرصے توں جعلی شناختی کارڈ دے مجرماں توں متاثرہندا آیا اے، جعلی شناختی کارڈ تے ہور سرکاری دستاویزاں بنوان دابنیادی مقصد ملکی سکیورٹی تے استحکام نوں نقصان پہنچانا ہندا اے، ہوراں ملکاں ونگوں ایہ مسئلہ پاکستان لئی وی مستقل تشویش دا باعث اے۔مختلف بیرونی عوامل مثلا جعلی دستاویزاں، کوائف دی تصدیق دا طریقہ کار تے قنون دی پاسداری نہ ہونا جعلی شناختی کارڈ دے اجرا دا باعث بن دے نیں، اندرونی عوامل مثلا مالی فوائد لئی کجھ ملازماں دی بدعنوانی وی بعض اوقات ایس مسئلے وچ اضافے دا باعث بن دی اے۔پاکستان وچ ایس حوالے نال نادرا دے مضبوط نظام ذریعے ہن18000 توں ودھ غیر قنونی شناختی کارڈاں دی نشاندہی تے تنسیخ کیتی جا چکی اے، نادرا ہور سٹیک ہولڈراں دے نال کوآرڈینیشن تے جانچ پڑتال دے سخت اقداماں تحت اصلاح لئی ہر ممکن کوششاں کر رہیا اے۔