آئی ایم ایف دا ریٹیلر، زرعی انکم ٹیکس تے رئیل اسٹیٹ توں ٹیکس لین دامطالبہ

اسلام آباد( پنجابی میڈیا گروپ)آئی ایم ایف نے ریٹیلرز، زرعی انکم ٹیکس تے رئیل اسٹیٹ توں ٹیکس لین دا مطالبہ کردتا۔ذرائع مطابق فیڈرل بورڈ آف ریونیو(ایف بی آر)نے ایس مالی سال لئی ٹیکس وصولی پلان آئی ایم ایف نال شیئرکردتا تے پلان دا جائزہ لین دے بعد آئی ایم ایف ہور اقدام تجویز کرے گا۔ذرائع مطابق آئی ایم ایف نے ریٹیلرز، زرعی انکم ٹیکس تے رئیل اسٹیٹ توں ٹیکس لین دا مطالبہ کیتا اے تے ٹیکس وصولی وچ شارٹ فال دی صورت وچ فوری طوراُتے نویں اقداماں اُتے اتفاق کیتا اے۔ذرائع دا کہنا اے کہ ریٹیلراں اُتے فکسڈ ٹیکس عائد کرن دی تجویز زیرغور اے لیکن آئی ایم ایف اوس اُتے رضا مند نہیں اے تے آئی ایم ایف نے زرعی آمدنی نوں ٹیکس نیٹ وچ لیان لئی صوبیاں توں ٹائم لائن طے کرن دا مطالبہ کیتا اے۔ذرائع مطابق آئی ایم ایف مشن نوں ٹیکس پالیسی تے ٹیکس کلیکشن وَکھ کرن دے پلان اُتے بریفنگ دتی گئی اے جس وچ آئی ایم ایف نے ایس مالی سال دا ٹیکس ہدف ہر صورت حاصل کرن دا مطالبہ کیتا اے۔ایف بی آر ذرائع دا کہنااے کہ آئی ایم ایف نے مطالبہ کیتا اے کہ جنہاں شعبیاں توں ٹیکس وصولی گھٹ اے اوتھوں پورا ٹیکس لیا جائے۔