ساہنوں اپنے لئی اقتدار نہیں ، خوشحال پاکستان چاہیدا اے، نوازشریف

کوئٹہ ( پنجابی میڈیا گروپ)مسلم لیگ ن دے قائد نواز شریف نے آکھیا اے کہ ساہنوں اپنے لئی اقتدار نہیں بلکہ خوش حال پاکستان چا ہیدا اے۔ مسلم لیگ ن دے قائد نواز شریف نے کوئٹہ وچ پارٹی ورکرز کنونشن نال خطاب کردیاں ہویاں آکھیاکہ بغض ، حسد ، گندی زبان تے نفرت نے معاشرے نوں گندا کیتا، گلاںکرن والے بوہت آئے، عملی طوراُتے کجھ نہیں کیتا ، ن لیگ نے گوادر، کوئٹہ، ژوب ونے ساریاں علاقیاں بارے سوچیا۔اونہاں آکھیا کہ اسیں بلوچستان وچ سڑکاں دا جال ویچھایا تے ڈیم بنائے، کچی کنال لئی اسیں 50 ارب روپے د تے، کوئٹہ توں اسلام آباد جان والے رستے دا منصوبہ 2018 وچ مکمل ہونا سی جیہڑا اجے تک نہیں ہویا، بلوچستان دے طلبا نوں وی ملک دے بہترین تعلیمی اداریاں وچ پڑھن دا حق اے، اینہاں لوکاں وچ تے اسیں کجھ تاں فرق اے۔اونہاں نے ہور آکھیا کہ اپنے بالاں، دوستاں تے رشتہ داراں نوں دسن کس نے بلوچستان دی خدمت کیتی، جَد میں پہلی وار وزیر اعظم بنیا سی تَد توں گوادر دا نام لے رہیا ہاں، اسیں چاہندے نیں عوام جیہڑی بجلی دے بلاں توں آزاد کر یئے، اسیں ایسی سکیم لیاواں گئے جس نال عوام نوں سولر پینل دے سکیے،ساڈھی کوشش ہوئے گی ملک بھر وچ شمسی توانائی نال بجلی حاصل کر یئے عوام نوں بجلی دے مہنگے بلاں توں آزاد کرنا چاہندے ہاں۔