عمران خان،فوج دے وچکار مصالحت وچ نکامی دیاں کئی وجوہات سَن،عارف علوی

اسلام آباد(پنجابی میڈیا گروپ)صدر مملکت عارف علوی نے آکھیا اے کہ عمران خان تے فوج دے وچکار مصالحت وچ نکامی دیاں بوہت ساریاں وجوہات سن۔جنہاں دی تفصیل وچ نہیں جانا چاہندا۔ چئیرمین پی ٹی آئی خلاف مقدمے عدالت وچ زیر سماعت نیں تے بحیثیت صدر عدلیہ اتے یقین رکھدا ہاں۔شفاف تے قابل اعتماد الیکشن لئی ضروری اے کہ ساریاں سیاسی جماعتاں نوں لیول پلئنگ فیلڈ ملے۔ نوازشریف یا جیہڑا وی منتخب ہو کے آئے گا عہدے دے تقاضے مطابق اوس توں حلف لین دی ذمہ داری پوری کراں گا۔ افغان مہاجرین دی واپسی دے فیصلے اُتے دنیا تے افغان حکومت نال گل بات دے نیتیجے وچ نظر ثانی ہوسکدی اے ۔لیکن ایہ فیصلہ اوہ فورم ہی کرے گا جیتھے اوس دا فیصلہ ہویا سی۔امریکی نشریاتی ادارے نوں دتے گئے انٹرویو وچ صدر عارف علوی نے آکھیا کہ وزیراعظم نال زیادہ تر سرکاری کماں بارے ہی رابطہ ہُندا اے۔