الیکشن وچ کامیابی لئی حکمت عملی تحت اگے چل رہے ہاں، رانا ثناء اللہ

لہور(پنجابی میڈیا گروپ) پاکستان مسلم لیگ (ن) پنجاب دے صدر و سابق وزیر داخلہ رانا ثناء اللہ نے آکھیا اے کہ الیکشن وچ کامیابی لئی حکمت عملی تحت اگے چل رہے ہاں،پنجاب وچ ساہنوں سیٹ ایڈجسٹمنٹ دی لوڑ تے نہیں، اگر کِدھرے لوڑ پئی تے اوس اُتے سوچیا جاسکدا اے۔اونہاں نے اپنے اک بیان وچ آکھیا کہ الیکشن وچ کامیاب ہون لئی ممکن تے لوڑ نوں مدنظر رکھیا جاندا اے، الیکشن وچ کامیابی لئی ایڈجسٹمنٹ تے حمایت لئی کوشش کیتی جاندی اے۔سندھ تے کراچی وچ جے ڈی اے تے ایم کیو ایم دے نال گل بات ہو رہی اے، امید اے کہ ایم کیو ایم تے جی ڈی اے توں بہتر سیٹ ایڈجسٹمنٹ ممکن ہوئے گی، خیبر پختونخوا وچ جے یو آئی تے دُوجیاں نال گل بات فائنل سٹیج اُتے نہیں، سمجھدے ہاں کہ خیبر پختونخوا وچ وی سیٹ ایڈجسٹمنٹ ضروری ہوئے گی۔