غزہ:اسرائیلی فضائیہ دی مسجد اُتے بمباری،50نمازی شہید

غزہ( پنجابی میڈیا گروپ)اسرائیلی فضائیہ دی غزہ وچ مسجداُتے بمباری نال50نمازی شہید ہوگئے۔عرب میڈیا رپورٹ دے مطابق اسرائیلی طیاریاں نے غزہ دے وسطی علاقے سبرا وچ نمازیاں نال بھری مسجد نوںنشانہ بنایا۔ اسرائیلی بمباری نال درجناں نمازی زخمی وی ہوئے۔ زخمیاں وچ کئیاں دی حالت تشویشناک اے۔دُوجے پاسے صیہونی فوج نے اردن دے فیلڈ اسپتال نوں وی نہیں چھڈیا۔ بمباری نال فیلڈ اسپتال دے7ارکان زخمی ہوگئے۔غزہ اُتے اسرائیل دے حملیاں نوں40دِن لِنگ چکے نیں تے اینہاں حملیاں وچ ہُن تک ساڑھے11ہزارفلسطینی شہید تے25ہزار توںوَدھ زخمی ہوچکے نیں۔