خطے وچ سیکورٹی دی خراب صورتحال پاروں بھارتی ہٹ دھرمی اے،انوارالحق کاکڑ

اسلام آباد(پنجابی میڈیا گروپ) نگران وزیراعظم انورالحق کاکڑ نے آکھیا اے کہ خطے وچ سیکورٹی دی خراب صورتحال پاروں بھارتی ہٹ دھرمی اے۔بھارت دا رویہ اقلیتاں دے خلاف اَت گردی دے مترادف اے ۔اسلام آباد پالیسی ریسرچ انسٹی ٹیوٹ (IPRI) دی چھتر چھاویں 15 تے 16 نومبر نوں اسلام آباد وچ ملک دے اہم تھنک ٹینک اسلام آباد پالیسی ریسرچ انسٹی ٹیوٹ (IPRI) ولوں مارگلہ ڈائیلاگ دا انعقاد کیتا گیابین الاقوامی تے ملکی مقررین تے رَلتیاں وچ سفارت کار، پالیسی ساز، پریکٹیشنرز، ماہرینِ اقتصادیات تے میڈیا پرسنز شامل سن،تقریب دے پہلے سیشن دا افتتاح صدر پاکستان ڈاکٹر عارف علوی نے کیتا صدر مملکت نے نشاندہی کیتی کہ موجودہ دور دی تعریف وڈھیاں طاقتاں دے باہمی مقابلے پاروں پیدا ہون والی جیوپولیٹیکل تبدیلیاں دے نال کیتی جا سکدی اے صدر مملکت نے دنیا دے نظام دے ارتقاء اُتے تفصیلی گل بات کیتی، صدر مملکت نے پائیدار امن تے خوشحالی لئی تجارت، رابطیاں تے شراکت داری نوں ترجیح دین اُتے زور دتا،مارگلہ ڈائیلاگ دے افتتاحی اجلاس وچ وزیر اعظم پاکستان ولوں’’ہندوستانی اقلیتاں اُتے مظالم‘‘ دے ڈوزیئر دی نقاب کشائی وی کیتی گئی۔