پرانی سیاست کرن والے الیکٹیبلز دی تلاش وچ نیں،بلاول

مردان( پنجابی میڈیا گروپ) پاکستان پیپلز پارٹی دے چیئرمین و سابق وزیر خارجہ بلاول بھٹو زرداری ہوراں آکھیا اے کہ مہنگائی، بیروزگاری دا حل پیپلز پارٹی نوں آئندہ الیکشن وچ جتوانا اے، پرانی سیاست کرن والے الیکٹیبلز دی تلاش وچ ہین، جیہڑے مہنگائی لیگ وچں شامل ہون گے وہ الیکٹیبلز نہیں رہن گے۔بلاول بھٹو زرداری نے آکھیا کہ پیپلز پارٹی دے کنونشنز تے ورکر میٹنگاں دا سلسلہ چل رہیا اے،کل اسیں ایبٹ آباد وچ ساں، ہزارہ ڈویژن دا کنونشن سی، اج اک وارفیر مردان پہنچیا ہاں، اج مردان وچ کنونشن ہو رہیا اے، اونہاں نے آکھیا کہ پیپلز پارٹی اوہ واحد جماعت اے جس نے ہر دور وچ عوام دی خدمت کیتی، پیپلز پارٹی نے پسماندہ طبقے دے غریب عوام دی نمائندگی ہر دور وچ کیتی، قائد عوام شہید ذوالفقار علی بھٹو نے عوام نوںووٹ دی طاقت دلوائی، قائد عوام نے روٹی ،کپڑے تے عوام دا نعرہ لایا، قائدعوام نے تہاڈے لئی جدوجہد کیتی، شہادت قبول کیتی، ذوالفقار علی بھٹو دے بعد شہید بینظیر بھٹو نے پیپلز پارٹی داجھنڈاپھڑ لیا۔چیئرمین پیپلز پارٹی نے آکھیا کہ شہید بینظیر بھٹو نے30ورھے سیاسی جدوجہد کیتی،2آمراں توں ٹکراں، شہید بینظیر بھٹو نے عوام دی خاطر شہادت قبول کیتی،پیچھے نہیں ہٹے، صدر زرداری نے خیبر پختونخوا نوں شناخت دتی، صدر زرداری نے 18ویںترمیم کر کے قائدعوام دے آئین نوں بحال کرایا، اونہاں نے این ایف سی ایوارڈ دلوا کے کے پی عوام نوں اپنے وسائل دا مالک بنایا۔