فواد چودھری دا وزن پہلاں توں گھٹ ہویا اے،حبہ چودھری

راولپنڈی( پنجابی میڈیا گروپ)سابق ممبر قومی اسمبلی ووفاقی وزیر فواد چودھری دی گھر والی حبہ فواد نے آکھیا اے کہ جیل وچ فواددا وزن پہلاں دی نسبت تھوڑا گھٹ ہویا اے۔اڈیالہ جیل دے باہر میڈیا نال غیر رسمی گل کردیاںہویاں فواد چودھری دی گھروالی حبہ فواد چودھری نے آکھیا کہ فواد چودھری نال30 منٹ تک ملاقات ہوئی اے، دوران ملاقات2 پلس اہلکار کانفرنس روم وچ کھڑے رہے۔اونہاں نے آکھیا کہ فواد چودھری نوں وَکھ بیرک وچ رکھیا گیا اے، اوہ اڈیالہ جیل وچ دتے جان والے کھانے اُتے مطمئن نیں۔حبہ چودھری دا ہور کہنا سی کہ شدید سردی وچ فواد چودھری نوں گرم پانی دی بجائے ٹھنڈا پانی دتا جاندااے۔