ملٹری ٹرائل کالعدم قرار دین دے فیصلے اُتے اپیل ویلے دی اہم لوڑاے، فردوس عاشق اعوان

لہور(پنجابی میڈیا گروپ)استحکام پاکستان پارٹی دی مرکزی سیکرٹری اطلاعات ڈاکٹر فردوس عاشق اعوان نے آکھیا اے کہ سویلین دے ملٹری ٹرائل کالعدم قرار دین دے فیصلے اُتے اپیل ویلے دی اہم لوڑ اے ، وزارت دفاع ولوں اپیل دائر ہونا شہیداں دے خون نال ایفائے عہد اے۔ڈاکٹرفردوس عاشق اعوان نے اپنے بیان وچ آکھیا کہ جاناں دین والیاں دے خون دا تقدس جان کھان والیاں دے ہتھوں پامال نہیں ہونا چا ہیدا ، عدالت اپیل نوں ویلے دی اہم لوڑ سمجھ کے منظور کرے تے ٹرائل اُتے حکم امتناع ختم کرے۔اونہاں نے آکھیا کہ قصورواراں نوں سزا دے کے آئندہ لئی اک مثال قائم کیتی جا سکدی اے، فوجی تنصیبات، شہیداں دیاں یادگاراں نوں نقصان پہنچان والیاں دا ٹرائل ملٹری کورٹس ہی کرسکدی اے۔