ریاست دے علاوہ کسی ادارے یا گروہ دی مسلح کارروائی ناقابل قبول اے،آرمی چیف

راولپنڈی(پنجابی میڈیا گروپ)چیف آف آرمی سٹاف جنرل عاصم منیر نے آکھیا اے کہ ریاست دے علاوہ کسی وی ادارے یا گروہ ولوں طاقت دا استعمال تے مسلح کارروائی ناقابل قبول اے، پاکستان بغیر کسی مذہبی، صوبائی، قبائلی، لسانی، نسلی، فرقہ وارانہ یا کسی ہور امتیاز سے ساریاں پاکستانیاں دا اے۔آرمی چیف جنرل عاصم منیر نال ساریاں مکاتب فکر سے سرکردہ علما کرام تے مشائخ نے جنرل ہیڈ کوارٹرز راولپنڈی وچ ملاقات کیتی، ملاقات وچ علمائے کرام و مشائخ نے متفقہ طور اُتے انتہا پسندی، اَت گردی تے فرقہ واریت دی مذمت کیتی۔علمائے کرام و مشائخ نے رواداری تے اَمن لئی ریاستی تے سکیورٹی فورسز دی انتھک کوششاں لئی حمایت جاری رکھن دے عزم دا اظہار کیتا۔علما کرام نے آکھیا کہ اسلام امن تے ہم آہنگی دا مذہب اے،علما کرام تے بعض عناصر ولوں مذہب دی مسخ شدہ تشریحات صرف اونہاں دے ذاتی مفادات لئی نیں، اونہاں دا اسلامی تعلیم نال کوئی تعلق نہیں اے۔