غزہ:اسرائیل تے حماس وچکار جنگ بندی شروع

غزہ (پنجابی میڈیاگروپ)غزہ وچ اسرائیل تے حماس دے وچکار طے پان والے معاہدے تحت عارضی جنگ بندی شروع ہوگئی اے۔غیر ملکی خبر رساں ادارے دی رپورٹ مطابق عارضی جنگ بندی شروع،غزہ دے مقامی ویلے مطابق صبح7وجے ہویا اے جیہڑا اگلے4دن یعنی منگل دی صبح7وجے تک جاری رہے گا۔ اج سہ پہر (پاکستانی ویلے مطابق شام7وجے)تک حماس ابتدائی طور اُتے13اسرائیلی عورتاں تے بالاں نوں رہا کرے گا۔قطر وچ ثالثاں نے دسیا کہ روزانہ دی بنیاد اُتے یرغمالیاں نوں رہا کیتا جائے گا تے4دناں وچ مجموعی طور اُتے50یرغمالیاں نوں رہا کیتا جائے گا ، جنگ بندی دے فوری بعد غزہ وچ انسانی امداد داسلسلہ شروع ہو جائے گا۔اسرائیلی وزیراعظم دے دفتردا کہنا اے کہ جمعے نوں جنہاں یرغمالیاں نوں رہا کیتا جائے گا اونہاں دی فہرست ملن دے بعد اونہاں دے خانداناں دے نال رابطے وچ نیں، لیکن ایہ نہیں دسیا گیا کہ لسٹ وچ کِناں افراددے نام شامل نیں۔دوناںپاسیوں عورتاں تے18ورھیاں توں گھٹ عمر افراد نوں رہا کیتا جائے گا جدکہ فلسطینیاں نوں 3 اسرائیلی جیلاں توں رہا کیتا جائے گا۔