چیئرمین پی ٹی آئی نوں جیل وچ ملن والیاں سہولتاں داعام شہری تصورنہیں کرسکدا،وزیرداخلہ

اسلام آباد(پنجابی میڈیا گروپ)نگران وفاقی وزیر داخلہ سرفراز بگٹی نے آکھیا اے کہ چیئرمین پی ٹی آئی نوں جیل وچ دتیاں جان والیاں سہولتاں داعام شہری تصور نہیں کر سکدا،نگران حکومت نوازشریف نوں کوئی فیور نہیں دے رہی۔برطانوی خبر رساں ادارے نوں انٹرویو دیندیاں ہویاں سرفراز بگٹی دا کہنا سی کہ میرے خیال وچ نوازشریف اُتے جیہڑے کیسز بنے اوہ زیادہ تر بے بنیاد سن، تریخ وچ ایہ پہلی وار ہوئے گا کہ پُتر توں تنخواہ لین دے جرم وچ کوئی نااہل ہویا اے۔نگران وفاقی وزیر داخلہ نے چیئرمین پی ٹی آئی نوں عدالتاں دا لاڈلا قرار دیندیاں آکھیا کہ چیئرمین پی ٹی آئی نوں جیل وچ ملن والیاں سہولتاں دا کوئی تصور وی نہیں کر سکدا، عدالتی نظام وچ اصلاح دی بوہت لوڑ اے، عدالت دے مسائل نیں جنہاںدا سب نوں پتا اے۔اونہاں نے آکھیا کہ نگران حکومت ولوں ن لیگ نوں کوئی فیور نہیں دتی جا رہی، نگران حکومت لئی نوازشریف تے بلاول اک جہے نیں۔