کجھ دناں وچ سرمایہ کاری دی خوشخبری ملے گی،نگران وزیراعظم

اسلام آباد( پنجابی میڈیا گروپ)نگران وزیراعظم انوار الحق کاکڑ نے آکھیا اے کہ ساڈھی کوشش اے کہ سرمایہ کاری پاکستان لیائی جا سکے، کجھ دناں وچ پاکستان اندر سرمایہ کاری دی خوشخبری ملے گی۔نگران وزیراعظم انوارالحق کاکڑ نے نجی ٹی وی نال گل بات کردیاں ہویاں آکھیا کہ ساہنوں مختلف چیلنجاں دا سامنا اے، ہنر نہ ہون پاروں وی کئی مسائل ہین، نوجواناں نوں ہنر سکھان لئی مختلف ٹریننگ پروگراماں اُتے کم ہو رہیا اے، اگلے 10ورھیاں وچ10لکھ نرساں نوںتربیت دین دا پروگرام اے۔اونہاں دا کہنا سی کہ اسیں نہ صرف خطے بلکہ خطے دے باہروںوی سرمایہ کاری پاکستان لیانا چاہندے ہاں، پاکستان تے ہور ملکاں دے وچکار کجھ ایم او یوز اُتے دستخط ہون گے، پاکستان وچ آئندہ ہفتے سرمایہ کاری بارے چنگیاں خبراں ملن گیاں۔انوارالحق کاکڑ نے آکھیا کہ ساڈھا فوکس نجکاری اُتے اے، خسارے وچ چلن والے اداریاں دی نجکاری اُتے غور کر رہے ہاں، پی آئی اے دی نجکاری پہلی ترجیح اے، اداریاں نال ریونیو نہیں کما سکدے تے ملک ترقی نہیں کر سکدا۔