سٹاک مارکیٹ اج59ہزارپوائنٹ توں وَدھ گئی

کراچی( پنجابی میڈیا گروپ)معیشت وچ بہتری دے اثرات نظر آن لگے، پاکستان سٹاک مارکیٹ ملکی تریخ دی اُچی ترین سطح اُتے پہنچ گئی۔کاروباری ہفتے دے آخری دن پاکستان سٹاک مارکیٹ نے اک ہورتریخ رقم کردیاں ہویاں59ہزار پوائنٹ دی نفسیاتی حد عبور کرلئی اے۔کاروبار دے شروع اُتے پاکستان سٹاک مارکیٹ وچ498پوائنٹ دا ودھا ویکھیا گیا اے۔سٹاک مارکیٹ وچ 306پوائنٹ ودھن نال100انڈیکس59ہزار398پوائنٹ دی سطح اُتے ٹریڈ کر رہیا اے۔یادرہے کہ پچھلے کاروباری دناں دے آخراُتے سٹاک مارکیٹ وچ701پوائنٹ ودھن دے بعد100انڈیکس 58ہزار900پوائنٹاں دی سطح اُتے بند ہویا سی۔کاروباری ہفتے دے آخری دن انٹربینک وچ امریکی کرنسی دی قیمت 23پیسے ودھ گئی اے جس دے بعدانٹربینک وچ ڈالر 285روپے 50پیسے اُتے ٹریڈ کررہیا اے۔یادرہے کہ پچھلے کاروباری دن دے آخر اُتے انٹربینک وچ ڈالر285روپے27پیسے اُتے بند ہویا سی۔