چیئرمین پی ٹی آئی تے بشری بی بی خلاف مبینہ غیرشرعی نکاح کیس خارج

اسلام آباد(پنجابی میڈیا گروپ)ڈسٹرکٹ اینڈ سیشن کورٹس اسلام آباد وچ چیئرمین پی ٹی آئی تے بشری بی بی خلاف مبینہ غیر شرعی نکاح کیس درخواست گزار محمد حنیف نے واپس لے لئیا۔ڈسٹرکٹ اینڈ سیشن کورٹس اسلام آباد وچ سول جج قدرت اللہ دی عدالت وچ سماعت ہوئی ، درخواست گزار محمد حنیف اپنے وکیل فواد حیدر ہمراہ عدالت پیش ہوئے۔درخواست گزار نے عدالت وچ موقف اختیارکیتا کہ کیس دی سماعت25نومبرنوں مقرر اے ، تکنیکی بنیاد اُتے کیس واپس لینا چاہندا ہاں۔عدالت نے درخواست منظور کردیاں ہویاں کیس خارج کردتا۔درخواست گزار نے چیئرمین پی ٹی آئی تے بشری بی بی اُتے دوران عدت نکاح کرن دا الزام عائد کررکھیا سی۔