آپس وچ اخوت و مساوات نوں ودھائو،امام کعبہ

اسلام آباد(پنجابی میڈیا گروپ)فیصل مسجد وچ امام کعبہ الشیخ الصالح بن عبداللہ بن حمید نے نمازجمعہ دی امامت کیتی تے خطبہ دتا۔فیصل مسجد وچ امام کعبہ الشیخ الصالح بن عبداللہ بن حمید نے اپنے خطبے وچ آکھیا کہ مسلماناں دی مثال جسم ونگوں اے جیہڑے اک دُوجے نوں مضبوط کردے نیں، آخرت دی بہتری لئی خود نوں بہتر کرن۔اونہاں نے آکھیا کہ آپس وچ اخوت،محبت تے مساوات نوں فروغ دین ، مسلمانو!فلسفہ تقوی اُتے سختی نال کاربند رہو۔امام کعبہ نے خطبے وچ آکھیا کہ چھوٹے چھوٹے اختلافاں اُتے کسی نوں کافر قرار نہ دیو، نیک تے صالح کماں لئی تعاون کرن۔واضح رہے کہ امام کعبہ ڈاکٹر صالح بن حمید6دناں دے دورے اُتے اسلام آباد پہنچے نیں جیتھے اونہاں نے اج فیصل مسجد وچ نماز جمعہ دی امامت کیتی۔امام کعبہ بین الاقوامی اسلامی یونیورسٹی دی چھتر چھاویں کانفرنس وچ وی اُچیچی رَلت کر ن گے ، قائد اعظم آڈیٹوریم فیصل مسجد وچ خطاب دا موضوع ’’شریعت تے قنون وچ انسانی جان دی حفاظت‘‘ اے