ایسے الیکشن توں بہتر اے کہ نواز شریف دی وزارت دا نوٹیفکیشن جاری کردیو،اسد قیصر

چارسدہ( پنجابی میڈیا گروپ)پی ٹی آئی رہنما تے سابق اسپیکر قومی اسمبلی اسد قیصر نے آکھیا اے کہ اینج دے الیکشن توں بہتر اے کہ نگران ونگوں نواز شریف دی وزارت عظمی دا نوٹیفکیشن جاری کردین۔انسداد دہشتگردی دی عدالت وچ پیشی توں پہلاں اسد قیصر داڈی ایچ کیو اسپتال وچ طبی معائنہ کیتا گیا جیتھے ڈاکٹراں دسیاکہ اسد قیصر نوں گلے تے سینے وچ معمولی تکلیف اے۔بعد وچ میڈیا نمائندیاں نال غیر رسمی گل بات وچ اسد قیصر نے آکھیا کہ الیکشن لئی جیہڑا محول بنایا گیا اے ایہ کسی طوروی فری اینڈ فیئر نہیں، اسیں سلیکٹڈ دا الزام لان والی اپوزیشن اج خودسلیکٹڈ پلس بن گئی، ایس محول وچ اگر الیکشن ہوئے تے کوئی اوس نوں تسلیم نہیں کرے گا۔اونہاں نے آکھیا کہ پی ٹی آئی خلاف سارا ظلم وجبرنوازشریف تے مسلم لیگ (ن)کررہی اے جَد کہ نواز شریف نوں وزیر اعظم بنانا اے تے الیکشن دی کوئی لوڑ نہیں، ایسے الیکشن توں بہتر اے نگران ونگوں نواز شریف دی وزارت عظمی دا نوٹیفکیشن کردیون۔اسد قیصر دا کہنا سی کہ پی ٹی آئی دے انٹرا پارٹی الیکشن دا معاملہ پارٹی دی لیگل ٹیم ویکھ رہی اے۔