عدالت نے چیئرمین پی ٹی آئی نوں جوڈیشل کردتا اے،لطیف کھوسہ

راولپنڈی(پنجابی میڈیا گروپ)چیئرمین پی ٹی آئی دے وکیل سردارلطیف کھوسہ نے آکھیا اے کہ عدالت نے چئیرمین پی ٹی آئی نوں جوڈیشل کردتا اے،چیرمین پی ٹی آئی خلاف اک باقائدہ مہم چلائی جارہی اے کہ میڈیا ٹرائل کیتاجارہیا اے،نیب دا ادارہ سیاسی انتقام لئی بنایا گیا، اڈیالہ جیل باہر وی اک ڈرامہ رچایا گیااے ۔ اڈیالہ جیل باہر میڈیا نال گل کردیاں ہویاں اونہاں نے آکھیا کہ عدالت نے نیب ولوں چیئرمین پی ٹی آئی دے جسمانی ریمانڈ مسترد کردتی اے۔عدالت نے چئیرمین پی ٹی آئی نوں جوڈیشل کردتا اے اسیں پہلاں وی چئیرمین پی ٹی آئی دے جسمانی ریمانڈ دی مخالفت کیتی سی۔نیشنل کرائم ایجنسی نے خود35 ارب دی رقم سپریم کورٹ دے اکاؤنٹ وچ پیسے گھلے نیں۔190ملین دی رقم سیدھا سیدھا سرکاری خزانے وچ آئی ۔اسیں پہلے دن توں کہہ رہے ہاں کہ نیشنل کرائم ایجنسی نے رقم سپریم کورٹ دے اکاؤنٹ وچ گھلی اے۔ لطیف کھوسہ نے آکھیا کہ القادرٹرسٹ 190 ملین پاؤنڈ نال عمران خان دا براہ راست کوئی تعلق نہیں۔ساڈھی نظر وچ القادر ٹرسٹ کیس ختم ہوگیا اے۔ چیئر مین پی ٹی آئی خلاف اک باقاعدہ مہم چلائی جارہی اے کہ میڈیا ٹرائل کیتا جارہیا اے،اڈیالہ جیل باہر وی اک ڈرامہ رچایا گیا۔