نائیجیریا افریقہ دی سب توں وڈھی معیشت اے،صدرمملکت

اسلام آباد(پنجابی میڈیا گروپ)صدرمملکت ڈاکٹرعارف علوی نے نائیجیریا دے نال تجارتی تے ثقافتی تعلقات ودھان اُتے زور دیندیاں آکھیا اے کہ نائیجیریا افریقہ دی سب توں وڈھی معیشت اے،دوناں ملکاں دے باہمی فائدے لئی دوطرفہ تجارتی حجم ودھانا ہوئے گا۔ایوان صدر توں جاری اعلامیہ مطابق صدرعارف علوی نال نائجیریا وچ پاکستان دے نامزد ہائی کمشنر میجر جنرل (ریٹائرڈ ) سہیل احمد خان نے ملاقات کیتی جس وچ صدر مملکت نے آکھیاکہ نائیجیریا دے نال تجارتی، اقتصادی تے ثقافتی تعاون ہور بہتر بنان دی لوڑ اے ، دوناں ملکاں دے باہمی فائدے لئی دوناں پاسیاں دے تجارتی حجم نوں ودھانا ہوئے گا۔صدر مملکت نے آکھیا کہ نائیجیریا افریقہ دی سب توں وڈھی معیشت اے، پاکستان نوں نائیجیریا دے نال تجارتی تے اقتصادی تعلقات بہتر بنان دے موقع تلاش کرنے چاہیدے نیں۔