الیکشن لیٹ نہیں ہون دیاں گے،میاں جاوید لطیف

اسلام آباد(پنجابی میڈیا گروپ)پاکستان مسلم لیگ (ن) دے رہنما جاوید لطیف نے آکھیا اے کہ کجھ سیاستدان تے کجھ اینکر ایہ تاثر دین دی کوشش کر رہے نیں کہ الیکشن ملتوی ہو سکدے نیں، الیکشن دا التواء ملکی مفاد دے خلاف ہوئے گا، اینج نہیں ہون دیاں گے۔اسلام آباد ہائی کورٹ باہر میڈیا نالگل بات کردیاں ہویاں جاوید لطیف نے آکھیا کہ پاکستان دا سیاسی و معاشی استحکام نواز شریف نوں انصاف دی فراہمی نال جڑیا اے۔اونہاں نے آکھیا کہ جنہاں چھیتی نواز شریف نوں انصاف ملے گا اونہاں چھیتی ملک وچ سیاسی و معاشی استحکام آئے گا، بے گناہ نوں انصاف نہیں مل رہیا تے گناہ گارنوں بیلنس کرن دی کوشش کیتی جا رہی اے۔جاوید لطیف نے آکھیا کہ تُسی سوچو190 ملین پاؤنڈ کھان والیاں اُتے قنون حرکت وچ نہیں آ رہیا سی، لاڈلے اُتے کوئی انگلی نہیں چُک سکداسی کیا پاکستان وچ انصاف چہرے ویکھ کے ملے گا۔