حماس تے اسرائیل دے وچکار قیدیاں دی تریجی کھیپ دا تبادلہ مکمل

مقبوضہ بیت المقدس(پنجابی میڈیا گروپ)اسرائیل تے حماس نے قیدیاں دی تریجی کھیپ دا تبادلہ مکمل کرلیا۔ حماس نے13 اسرائیلی یرغمالیاں نوں چھڈ دتا تے اوس دے بدلے اسرائیل نے جیلاں وچ قید39فلسطینی رہا کردتے۔ 3دناں وچ حماس39 اسرائیلی یرغمالیاں نوں رہا کر چکی تے بدلے وچ117 فلسطینی قیدی رہا ہو کے مغربی کنارے پہنچ گئے ۔غیرملکی خبررساں ادارے مطابق اسرائیلی وزیر اعظم بنجمن نیتن یاہودفتر نے اسرائیلی زیر حراست افراد دی ملک وچ آمد دی تصدیق کیتی اے تے دسیا کہ اتوار نوں وطن واپس آن والے اسرائیلی یرغمالیاں وچوں9کم سن،4عورتاں تے 1مرد شامل اے۔ حماس نے تریجے دن وی معاہدہ توں وَکھ ہور5غیر ملکی شہریاں نوں وی رہا کیتا۔حماس نے ایس توں پہلاں آکھیا سی کہ اوس نے13اسرائیلی یرغمالیاں، 3 تھائی تے2روسی شہریاں نوں ریڈ کراس دے حوالے کیتا اے ،مصری انفارمیشن سروس دی سربراہ دیارشوان نے اک بیان وچ آکھیا کہ جنگ بندی بغیر کسی رکاوٹ دے جاری اے۔