حماس تے اسرائیل دے وچکار جنگ بندی وچ2دناں دی توسیع

روشلم( پنجابی میڈیا گروپ)قطری وزارت خارجہ مطابق ثالثی کردار پاروں حماس تے اسرائیل نے جنگ بندی معاہدے وچ2دناں دی توسیع اُتے اتفاق کرلیا اے۔ترجمان قطری وزارت خارجہ ماجد الانصاری ولوں جاری اعلامیے وچ دسیا گیا کہ غزہ وچ انسانی بنیاداں اُتے جنگ بندی وچ ہور2دناں دی توسیع دا معاہدہ طے پاگیا اے۔حماس نے ترجمان قطری وزات خارجہ دے بیان دی تصدیق کردیاں ہویاں آکھیاکہ قطر تے مصر نوں جنگ بندی وچ2دناں دی توسیع توںآگاہ کر دتا اے۔پچھلے دناں حماس نے جنگ بندی معاہدے وچ توسیع دااشادہ دیندیاں آکھیا سی کہ اوہ ایس لئی تیار نیں، اُدھر امریکی صدر وی پُرامید سن کہ دوناں فریقیاں دے وچکارجنگ بندی دے معاہدے وچ توسیع ہوجائے گی۔