سمارٹ لاک ڈان وی کم نہ آیا،لہور وچ سموگ داراج برقرار

لہور( پنجابی میڈیا گروپ)سمارٹ لاک ڈان وی کم نہ آیا،صوبائی دارالحکومت لہور نوں سموگ توں نجات نہ مل سکی۔فضائی آلودگی نال زندگی متاثر ہو کے رہ گئی اے، شہرداہر منظر دھندلا گیا۔اج وی فضائی آلودگی وچ لہوردا پہلا نمبر اے جدکہ کراچی تر یجے نمبراُتے اے، لہور وچ اے کیو آئی288 تے کراچی وچ 228ریکارڈ کیتا گیا اے۔دُوجے پاسے پنجاب حکومت نے مصنوعی بارش ودسان لئی ورکنگ شروع کر دتی اے تے لہور وچ مصنوعی بارش ورسان دے منصوبے اُتے عملدرآمد لئی ورکنگ گروپ قائم کر دتا گیا اے۔ادھر سموگ نال دمے تے کھا نسی دے مریض ودھن لگ پئے نیں، پچھلے کجھ دناں دے دوران سموگ نال متاثرہ ہزاراں افراد نے علاج معالجے لئی ہسپتالاں دا رُخ کیتا۔طبی ماہرین نے شہریاں نوںاحتیاطی تدبیراں اختیار کرن دا مشورہ دتا اے۔