پٹرول دی قیمت گھٹن داامکان

لہور( پنجابی میڈیا گروپ)عالمی منڈی وچ پیٹرول دی قیمت5.49 ڈالر فی بیرل گھٹن دے بعد16دسمبر توں ملک وچ پیٹرول دی قیمت 13 تے ڈیزل دی قیمت 15روپے فی لیٹر گھٹن دا امکان اے۔شہریاں نے عالمی منڈی وچ پیٹرول گھٹ ہون اُتے عوام نوں ریلیف دین دا مطالبہ کیتا اے۔یاد رہے ملک وچ ایس ویلے پیٹرول دی قیمت281.34روپے جدکہ ڈیزل289.79روپے فی لیٹر دی سطح اُتے اے، حکومت پیٹرول دی ممکنہ نویاں قیمتاں بارے حتمی فیصلہ15دسمبر نوںکرے گی جس دااطلاق16دسمبر توںہوئے گا۔ واضح رہے کہ دسمبر دی پہلی تریخ نوں وی پیٹرول دی قیمت گھٹن داامکان ظاہرکیتا گیا سی لیکن حکومت نے عالمی منڈی وچ پیٹرول دی قیمت گھٹن دے باوجود عوام نوں ریلیف فراہم نہیں کیتا جس اُتے عوام نے شدید تحفظات دا اظہار کیتا سی۔