شاہ محمود قریشی دے کاغذات نامزدگی منظور

ملتان(پنجابی میڈیاگروپ)پاکستان تحریک انصاف دے مرکزی رہنما شاہ محمود قریشی دے قومی اسمبلی دے حلقہ این اے214 عمر کوٹ توں کاغذات نامزدگی منظورکر لئے گئے۔الیکشن ٹربیونل وچ ریٹرننگ افسر دے فیصلیاں خلاف امیدواراں دیاں اپیلاں اُتے سماعت ہوئی۔این اے 214 توں زین قریشی دے وی کاغذات نامزدگی منظور کر لئے گئے جدکہ الیکشن ٹربیونل نے این اے 238 توں پی ٹی آئی رہنما حلیم عادل نوں وی الیکشن لڑن دی اجازت دے دتی۔ایس دے علاوہ این اے 241 توں پی ٹی آئی امیدوار ارسلان خالد دی اپیل وی منظور کر لئی گئی تے ٹربیونل نے اونہاں نوں الیکشن وچ حصہ لین دی اجازت دے دتی اے۔نوشہرہ توں پی ٹی آئی امیدوار دے کاغذاتِ نامزدگی منظوردُوجے پاسے خیبرپختونخوا توں وی تحریک انصاف دے امیدوار دے کاغذات نامزدگی منظور کر لئے گئے۔اپیلیٹ ٹربیونل وچ پی ٹی آئی امیدوار میاں محمد عمر ولوں اپیل دی سماعت ہوئی، میاں عمر صوبائی اسمبلی دے حلقہ پی کے88 نوشہرہ توں پی ٹی آئی دے امیدوار نیں۔