پاکستان کشمیری عوام دی حمایت جاری رکھے گا، نگران وزیراعظم

اسلام آباد (پنجابی میڈیاگروپ)نگران وزیر اعظم انوار الحق کاکڑ نے آکھیا اے کہ 5جنوری دا دن کشمیریاں دے ناقابل تنسیخ حق خودارادیت دا اعادہ اے ،7.5 دہائیاں لنگن دے باوجود بھارت دے غیر قنونی طور اُتے زیر تسلط جموں و کشمیر دی مظلوم عوام ایس بنیادی حق دا استعمال نہیں کر سکی،جس دے تحت تنازعہ کشمیر استصواب رائے نال حل کیتا جانا سی، پاکستان بہادر کشمیری عوام اقوام متحدہ دی سلامتی کونسل دیاں متعلقہ قرارداداں مطابق حق خودارادیت دے ناقابل تنسیخ حق سنے اونہاں دے حقوق دی منصفانہ جدوجہد وچ اونہاں دی مکمل سیاسی، سفارتی تے اخلاقی حمایت جاری رکھے گا۔ وزیراعظم آفس دے میڈیا ونگ توں جاری بیان مطابق یوم حق خود ارادیت دے موقع اُتے اپنے پیغام وچ نگران وزیراعظم انوا ر الحق کاکڑ نے آکھیا کہ اج دنیا بھر دے کشمیری اقوام متحدہ دے کمیشن برائے ہندوستان تے پاکستان (یو این سی آئی پی) ولوں منظور کیتی گئی قرارداددا75 واں جنم دیہاڑ منا رہے نیں، جس دے مطابق جموں و کشمیر دے تنازع دا فیصلہ جمہوری طریقے نال آزادانہ تے غیر جانبدارانہ استصواب رائے ذریعے کیتا جائے گا۔