بانی پی ٹی آئی ایس ویلے مشکل وچ نیں کس طرح تنقید کراں،چوہدری نثار

ٹیکسلا(پنجابی میڈیاگروپ)سابق وزیر داخلہ چوہدری نثار نے آکھیا اے کہ بانی پاکستان تحریک انصاف54ورھیاں توں میرے دوست نیں، اوہ ایس ویلے مشکل وچ نیں، کس طرح اونہاں اُتے تنقید کراں۔جلسے نال خطاب کردیاں ہویاں چوہدری نثار نے آکھیا کہ مخالفاں اُتے تنقید پسند نہیں، کارکردگی اُتے گل کرنا چاہندا ہاں، ن لیگ میرے ہتھاں وچ پیدا ہوئی تے پلی وَدھی، ن لیگ وچ 35 ورھے گزارے اونہاں اُتے تنقید کرنا چنگا نہیں لگدا۔چوہدری نثار نے آکھیا کہ (ن)لیگ نال اپنی عزت نفس دی خاطر نراض ہویا، بزرگاں سامنے تے ہتھ بَھنھ کے کھڑا ہوسکدا ہاں مگر بالاں سامنے نہیں۔سابق وزیر داخلہ نے آکھیا کہ مخالفاںنوں 8 فروری نوں میرا ووٹر جواب دیوے گا، میرے مخالف نے پی آئی اے دا پَٹھا بٹھایا۔چوہدری نثار نے آکھیا کہ کسی سیاسی جماعت دی دم پھڑ کے نہیں بلکہ عوام دی طاقت نال ایم این اے بناں گا، پچھلی وارونگوں تہاڈے ووٹ اُتے ڈاکا نہیں مارن دیاں گا۔