8 فروری نوں یوم الحساب ہوئے گا، سراج الحق

تلہ گنگ(پنجابی میڈیاگروپ)امیر جماعت اسلامی سراج الحق نے آکھیا کہ8فروری نوں یوم الحساب ہوئے گا، اقتدار وچ آ کے وی آئی پی کلچر ختم کراں گے۔امیر جماعت اسلامی سراج الحق نے آکھیا کہ مفتی تقی عثمانی نے فتوی دتا اے کہ فلسطین وچ جہاد فرض ہو چکیا اے، سب توں پہلاں عرباں اُتے جہاد فرض اے، اگراوہ نہیں کردے ساڈھے اُتے ایہہ جہاد فرض اے، اگر میں حکومت وچ ہُندا تے سب توں پہلاں فلسطین پہنچدا، ڈاکٹر عافیہ صدیقی نوں ساڈھے حکمراناں نے ویچیا اے، جَد کشمیری ماواں، بہناں، بیٹیاں، فلسطینی بال قیامت والے دن ساڈھے گریبان پھڑن گے تے کسطرح چھٹکارا ہوئے گا۔امیر جماعت اسلامی نے آکھیا کہ اج اسلام آباد بے غیرتاں دا قبرستان اے،ایہ صرف اک کم کر سکدے نیں اوہ کم اے کرپشن، ہُن غریب دی واری اے، ہُن کاشتکاراں دی واری اے، 8 فروری نوں ساریاں سرکاری محکماں دی تباہی دا قوم حساب کرے گی، پاکستان پنج دریاواں داملک اے لیکن بجلی نہیں اے۔سراج الحق نے آکھیا کہ اسیں مخلوط نظام تعلیم نوں ختم کراں گے، عورتاں لئی وَکھ وِکھ نظام لیاواں گے، اسیں عورتاں نوں وراثت وچ حصہ دلواواں گے، اونہاں لئی وَکھ مارکیٹاں بناواں گے، بڑھاپا الائونس دیاں گے، کاشتکاراں نوں سہولتاں دیاں گے۔