جَد ساہنوں16مہینیاں دی حکومت ملی تے ملک دیوالیہ ہون دے نیڑے سی،احسن اقبال

نارووال (پنجابی میڈیاگروپ)پاکستان مسلم لیگ(ن) دے سیکرٹری جنرل احسن اقبال نے آکھیا اے کہ جَد ساہنوں16 مہینیاں دی حکومت ملی تے ملک دیوالیہ ہون دے نیڑے سی ، ساڈھے کول 2آپشن سن سیاست بچاندے یا ریاست، اسیں ریاست بچائی۔نارووال وچ کارنر میٹنگ وچ خطاب کر دیاں ہویاں اونہاں نے آکھیاکہ ووٹ دی پرچی دا اثر صرف تہاڈے اُتے نہیں بلکہ اوس ووٹ دا اثر پوری قوم اُتے پیندا اے ایس ووٹ دی حرمت لئی نواسہ رسولﷺ نے اپنی گردن کٹوا دتی مگر ووٹ دی حرمت پامال نہ ہون دتی۔اونہاں نے آکھیا کہ پی ٹی آئی دے بانی چیئرمین دے تقریباً چارورھیاں دی حکومت دی ساری اپوزیشن جیل وچ وی میڈیا اُتے پابندیاں سن ،اوس نے اپنے دور حکومت وچ سوائے لیلیٰ مجنوں دیاں کہانیاں سنان دے کجھ نہیں کیتا۔امریکہ توں واپسی اُتے جشن منایا کہ میں اک ہور ورلڈ کپ جِت کے آیا ہاں بعد وچ معلوم ہویا کہ کشمیردا سودا کرکے آیا،سرمایہ کار پاکستان چھڈ گئے۔